Ruta da Mina de San Finx (Lousame)

Esta ruta discorre por un dos concellos con maior identidade rural e forestal da ría de Muros  Noia; pero este percorrido tamén nos traerá grandes sorpresas, xa que nos levará a descubrir o importante patrimonio industrial que aínda se conserva. Visitaremos o parque de San Mamede onde as formacións graníticas (bolos graníticos) deixarán perplexo ao visitante; observaremos as grandes masas forestais que hai en todo o concello, convertendo as estradas en auténticos pasadizos nalgúns dos seus tramos; pasaremos preto das antigas fábricas de papel de Brandía, xunto ao río San Xusto, onde as ruínas destas antigas factorías nos levarán a unha época de gran traballo nesta zona e que hoxe dan a todo o xacemento unha atmosfera misteriosa de grande atractivo.     Cando cheguemos á parte superior da ruta, aparecerán as minas de San Finx, unha parada obrigada, xa que a restauración da cidade e o seu máis que interesante museo amosaranos como vivían e traballaban os "buscadores" de wolfram. Estas minas foron de gran importancia durante as diferentes guerras xa que o wolfram e o estaño tiveron unha grande importancia na industria armamentística. Os mercados alemán e inglés foron os principais consumidores de minerais que en tempos de guerra estaban suxeitos a enormes cambios de prezo, o que significaba que, ao igual que co ouro, era posible falar dunha verdadeira "febre do wolfram".