Balandro Joaquín Vieta

O balandro máis antigo de Galicia permítenos descubrir a ría navegando como nos vellos tempos.

O Joaquín Vieta é un balandro de cabotaxe de dous paus e 18 metros de eslora construído entre os anos 1915 e 1916 nos estaleiros de carpintería do Freixo.

A súa estampa é unha imaxe clásica da ría, cuxas augas surca mentres a súa tripulación vai mostrando as peculiaridades da vida mariñeira, as artes de pesca, as diversas especies e as lendas de naufraxios.
Como antigo barco dunha conserveira, o Vieta está implicado no RAID de Turismo Industrial da Ría de Muros Noia, converténdose no mellor aliado para mostrar aos visitantes as capacidades produtivas da ría e as historias de serradoiros e carpinterías de ribeira que fixeron famosa esta terra.

Complementado cun descenso en planadora desde a Central Eléctrica de Tambre ata Pontenafonso, a experiencia do RAID resulta moi atractiva para todas as idades, ao que se suma a posibilidade de realizar obradoiros gastronómicos a bordo.

As condicións do vento e as mareas orientarannos a unha ou outra zona da ría, pero en todo caso o veterano Vieta será o protagonista dunha xornada inesquecible.

leer más

Ubicación
Puerto de O Freixo Concello Outes

Ribeira do Freixo – Outes

Calendario

Datas: Semana Santa e Verán.
Horarios:Todo o día.
Duración: Dependendo do Roteiro seleccionado vai desde media xornada ata o día completo.

Prezos

2 h: 365 € – ½ día: 484 € – 1 día: 968 €.

Caracteristicas

· Os prezos son por alugueiro de barco completo incluíndo patrón e mariñeiría.
· Pódese concertar comida a bordo. Consultar prezo. Prezos IVE/IVE incluído.